Главная

25.04.2019

«Түркі әлемінің бесігі» атты көрме өтті

 

25 сәуір күні Ә. Қастеев атындағы ҚР Мемлекеттік өнер музейінде Бостандық аудандық «Нұр-Отан» партиясы филиалының қолдауымен О. Таңсықбаев атындағы Алматы сәндік-қолданбалы өнер колледжі ұстаздарының «ТҮРКІ ӘЛЕМІНІҢ БЕСІГІ» атты шығармашылық көрмесінің ашылу салтанаты өтті.
Көременің ашылу салтанатына О.Таңсықбаев атындағы өнер колледжінің директоры Шалабаев Сейтхали Исақұлұлы, Ә.Қастеев атындағы Мемлекеттік өнер музейінің директоры Шалабаева Гүлмира Кенжеболатқызы, Бостандық аудандық «Нұр-Отан» партиясы филиалының Саяси кеңес мүшесі Ержан Есенгелдіұлы және колледж оқытушылары мен студенттері қатысты.

12.04.2019 жыл

12 сәуір – Дүниежүзілік авиация және ғарышкерлер күні. Осы мерекеге орай колледжде Жалпы білім беру бөлімі оқытушыларының ұйымдастыруымен 1922 жылы 5-тамызда Сарыарқаның кең-байтақ даласында, Ақмола облысының өзен-көлі тасыған Майбалық ауылында дүниеге келген, Авиация генерал-майоры, Кеңес Одағының екі мәрте батыры, «Барыс» орденінің иегері Талғат Жақыпбекұлы Бигелдиновтың отбасы мүшелерімен кездесу өтті. Авиация генерал-майорының қыздары Галина және Райхан Бигелдиновалар колледж ұжымына әкелерінің өмірі мен мансабы туралы естеліктерімен бөлісті. «Подняться в воздух» – РОО «Совет генералов» атты деректі фильмі көрсетілді. Сонымен қатар колледждің көрме залында Талғат Жақыпбекұлы Бигелдиновтың немересі, 90-шы жылдардағы колледждің түлегі Оксана Бигелдинованың жеке көрмесі ашылды.

3 сәуір күні

3 сәуір күні О.Таңсықбаев атындағы Алматы сәндік-қолданбалы өнер колледжінің көрме залында Елбасының «Ұлы даланың жеті қыры» мақаласы аясында және О.Таңсықбаев атындағы Алматы сәндік-қолданбалы өнер колледжінің 80 жылдығына орай, Қазақстан Сурешілер одағының мүшесі, колледж түлегі Сырлыбаев Қанат Аскарұлының «Ақ пен қара» атты жеке көрмесі өтті. Көрмеге ҚР Мәдениет қайраткері, Ресей ұлттық дизайн академиясының академигі, Өнер профессоры, педагока ғылымдарының докторы Асылханов Ермек Сабырұлы, ҚР суретшілер одағының төрағасы, ҚР еңбек сіңірген қайраткері Өмірбек Жұбаниязов,«Альянс ЖАСА» қоғамдық қоры, «Алматы Ақшамы», «Ана тілі» ,«Jas qazaq» газеттерінің тілшілері қатысты. Көрмеге суретшінің 20 -дан астам жұмыстары қойылды.

Әлжан Серікбай Мүбаракұлының атынан мұражай ашылды

Қамыстау атындағы орта мектебі белгілі суретші және ұстаз Әлжан Серікбай Мүбаракұлының атынан мұражай ашты. Мектептегі мұражайды ашу жоспары мектептің директоры Серік Исаевтың бастамасымен «Рухани жаңғыру» бағдарламасының аясында жүзеге асырылды.
Әлжан Серікбай Мүбаракұлы 1951 жылы 15 мамырда Солтүстік Қазақстан облысы, Ақкөл ауылында дүниеге келген. 1967 жылы Петропавл қаласындағы В.И.Ленин атындағы орта мектебін бітірген. 1970 жылы Н.В. Гоголь атындағы Алматы көркемсурет училищесіне оқуға түсіп, 1975 жылы оқуды сәтті аяқтап, осы оқу орнында оқытушы болып қалады. 2000 жылы Абай атындағы Қазақ ұлттық педагогикалық университетіне оқуға түседі. 1986 жылдан СССР суретшілер одағының және Қазақстан Республикасы суретшілер одағының мүшесі. 2014 жылдан бастап Қазақстан Республикасының Суретшілер одағының басқарма мүшесі, 2015 жылдан бастап Қазақстан Республикасы суретшілер одағының «Кескіндеме» бөлімінің төрағасы. 1976 жылдан бастап республикалық, бүкілодақтық және халықаралық көркемөнер көрмелеріне белсене қатысады.
Сондай –ақ Әлжан Серікбай Мүбаракұлы мемлекеттік марапаттармен марапатталды: «Қазақстан Республикасының білім беру үздігі» төсбелгісі (2000 ж), «Ы.Алтынсарин» төсбелгісі (2011 ж), Қазақстан Республикасы Суретшілер Одағының «Құрмет» ордені (2013 ж), ҚР Білім және ғылым министрлігінің «Құрмет грамотасы» (2008), ҚР Мәдениет және спорт министрлігінң «Құрмет грамотасы»(2013 ж), КР Суретшілер одағының «Құрмет грамотасы», ҚР Мәдениет қайраткері, 2017 жылғы 5 желтоқсандағы Жарлық бойынша «Ерен еңбегі» медалімен марапатталды, 2018 жылы Ә.Кастеев атындағы «Үздік шығармашылық үшін» медалімен марапатталды.
Қазіргі уақытта Әлжан Серікбай Мүбаракұлы Орал Таңсықбаев атындағы Алматы сәндік-қолданбалы өнер колледжінің оқытушысы.

ҚАЗАҚСТАН РЕСПУБЛИКАСЫ МӘДЕНИЕТ ЖӘНЕ СПОРТ МИНИСТРЛІГІ
О. ТАҢСЫҚБАЕВ АТЫНДАҒЫ АЛМАТЫ СӘНДІК-ҚОЛДАНБАЛЫ ӨНЕР КОЛЛЕДЖІ

 

 

 

Баспасөз баяны

3 сәуір 2019 жылы сағат 12.00-де О.Таңсықбаев атындағы Алматы сәндік-қолданбалы өнер колледжінің көрме залында Елбасының «Ұлы даланың жеті қыры» мақаласы аясында және О.Таңсықбаев атындағы Алматы сәндік-қолданбалы өнер колледжінің 80 жылдығына орай, Қазақстан Сурешілер одағының мүшесі, колледж түлегі Сырлыбаев Қанат Аскарұлының «Ақ пен қара» атты жеке көрмесі өтеді деп жоспарлануда.

Өтетін уақыты: 3 сәуір 2019 жыл сағат 12.00
Өтетін орны: Алматы қаласы, Абай даңғылы 56 а
Байланыс телефондары: 8 (727) 3798650, 3798226

РЕСПУБЛИКА КАЗАХСТАН МИНИСТЕРСТВО КУЛЬТУРЫ И СПОРТА
АЛМАТИНСКИЙ КОЛЛЕДЖ ДЕКОРАТИВНО-ПРИКЛАДНОГО ИСКУССТВА ИМЕНИ ОРАЛА ТАНСЫКБАЕВА

 

 

 

Пресс-релиз

3 апреля 2019 года в выставочном зале Алматинского колледжа декоративно-прикладного искусства им. О. Тансыкбаева откроется персональная выставка члена Союза художников Казахстана, выпусника колледжа Сырлыбаева Каната Аскаровича «Черное и белое».
Выставка проводится в рамках статьи «Семь граней Великой степи» и посвящена 80-летию Алматинского колледжа декоративно-прикладного искусства им. О. Тансыкбаева.

Начало: 12.00
Адрес: г.Алматы, пр.Абая 56 а
Телефоны для справок:8(727) 3798650, 3798226

18.03.2019 жыл

18 наурыз күні Қазақстан Республикасы Мемлекеттік орталық музейі және Орал Таңсықбаев атындағы Алматы сәндік-қолданбалы өнер колледжі бірлесе отырып Елбасының «Ұлы Даланың Жеті қыры» мақаласына байланысты Мектеп оқушылары және көркемсурет колледждері мен Жоғарғы оқу орындары арасындағы «Ұлы даланың Шебер қолдары» атты Республикалық шеберлік – сыныптары және «Наурыз нақыштары» атты фестиваль өткізді. Аталған іс-шараға колледждің оқытушылары мен студенттері қатысты. Шеберлік – сынып көрсеткен колледж студенттері арнайы дипломдармен марапатталды.

Еліміздің бейбіт өмір сүргені сіздің аса көрегендікпен басқарған еңбегіңіздің жемісі деп білеміз! Бұл еңбегіңізді еліңіз ешқашан ұмытпайды! Бейбіт өміріміз үшін сізге шексіз алғысымызды білдіреміз! Ғұмырыңыз ұзақ болсын ЕЛБАСЫ!

Ұлы даланың ұлы күні — Наурыз

17 наурыз 2019 жылы Қазақстан Республикасы Мәдениет және спорт министрлігіне бағынысты барлық мекемелер Мұхтар Әуезов атындағы Қазақ мемлекеттік академиялық драма театрында «Ұлы даланың ұлы күні — Наурыз» атты мерекені атап өтті. Атаулы іс-шарада ұлттық тағамдар, спорттық ойындар, қолөнер көрмесі, шашу мен кәдесыйлар, ән мен күй, мерекелік қойылымдар қойылып, тал отырғызылды. Мерекелік шарада вице-министр Ақтоты Рахметоллақызы, Асанәлі Әшімов және Сәбит Оразбай барша қазақстандықтарды мерекелерімен құттықтап, ақ баталарын берді. Биылғы жылдан бастап Мәдениет және спорт министрі Арыстанбек Мұхамедиұлының бастамасымен министрлікке бағынысты мәдени ошақтар наурызды жаңа форматта өткізуді қолға алып отыр.

16.03.2019 жыл

15 наурыз 2019 жылы колледжде «Жалын жастар» атты көркем сөз оқу шеберлерінің клубының ашылу салтанаты өтті. Клубта 15 студент мүшелік етеді. Клубты ашудағы мақсат: балалардың көркем сөз оқу шеберлігін дамыту, тіл байлығын жетілдіру. Клубтың ашылуы ақиық ақын Мұқағали Мақатаевтың поэзия кешімен жалғасты. Орал Таңсықбаев атындағы Алматы сәндік-қолданбалы өнер колледжінің студенттері құрған «Жалын жастар» әдеби клубының мүшелері көрермендерді Мұқағали жырларымен сусындатты. Ал жас әншілер ақынның сөзіне жазылған әндерді нақышына келтіріп орындады. Сондай-ақ кеште колледждің 1 курс студенттері ақынның өлеңдерін мәнерлеп оқып, көпшілікті тәнті етті.

15.03.2019 жыл

Қазақстан Республикасы Білім және ғылым министрлігі «Балдәурен-Қапшағай» республикалық оқу-сауықтыру орталығы филиалының ауысым демалушылары қолөнер, дизайнер, мүсін және ағаш өнерінің қыр-сырымен жете танысуы мақсатында, 12-14 наурыз аралығында Орал Таңсықбаев атындағы Алматы сәндік-қолданбалы өнер колледжі студенттері шеберлік-сынып өткізді. Шеберлік — сыныптың өту барысында студенттеріміз өз мамандықтарына қарай түрлі бұйымдарды оқушылармен біріге отырып жасады. Колледжіміздің студенттері 3 күн бойы оқушылармен өздері үйренген өнердің қыр-сырымен толықтай бөлісті. Сондай –ақ колледж студенттері мен жетекшілері арнайы алғыс хаттармен марапатталды.

14.03.2019 жыл

14 наурыз — Көрісу мейрамы. Көрісу күнінде халық қыстан аман-есен шыққанына қуанып, бір-бірімен қол алысады. Таң атысымен көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға дәмді ас қояды.
Осы атаулы мейрам О.Таңсықбаев атындағы Алматы сәндік-қолданбалы өнер колледжінің оқытушылары мен студенттері арасында аталып өтілді.

13.03.2019ж.

«Ең әдемі киім – ұлтыңның киімі», — деген ұлы адамдар. Қазақ халқының ұлттық киімдерінің түрі де, үлгісі де еш халықтан кем болған емес. Ұлыстың ұлы күні Наурыз мерекесі қарсаныңда О.Таңсықбаев атындағы Алматы сәндік-қолданбалы өнер колледжінің оқытушылары мен студенттері қазақтың ұлттық киімдерін киіп, Наурыз мерекесіне дайындық жасауда.

12.03.2019ж.

12 наурыз 2019 жылы Наурыз мерекесіне орай, Орал Таңсықбаев атындағы Алматы сәндік-қолданбалы өнер колледжінің 1-2 курс студенттері колледж дәлізіне безендіру жұмыстарын жүргізді.

5.03.2019 жыл

Қазақстан Республикасы Президентінің бұйрығымен 2019 жылды «Жастар жылы» деп аталуына орай және Қазақстан Республикасы Мәдениет және спорт министрлігінің тапсырмасына сәйкес, Жамбыл облысы әкімдігінің туризм басқармасы 2019 жылдың 23-25 ақпан аралығында Тараз қаласында «Тараз жеріне тағзым» атты Жас турист фестивалін өткізді. Осы аталған фестивальге Орал Таңсықбаев атындағы Алматы сәндік-қолданбалы өнер колледжінің оқытушылары мен студенттері қатысып, арнайы алғыс хаттармен марапатталды.

4.03.2019 жыл

Колледж жаңалықтары
18 ақпан — 1 наурыз аралығында 72 сағат көлемінде «Модульдік-құзыреттілік тәсілдеме негізінде әзірленген техникалық және кәсіптік білім беру бағдарламаларын іске асыру» тақырыбында, «Кәсіпқор» холдингі коммерциялық емес акционерлік қоғамы, Кәсіптік білім беру орталығының қызметкері Жовриненко Ирина Васильевна, О.Таңсықбаев атындағы Алматы сәндік-қолданбалы өнер колледжінің оқытушыларына, техникалық және кәсіптік білім беру ұйымдарының педагогика кадрларының біліктілігін арттыру курсын өткізді. 26 оқытушыға біліктілігін арттыру курсынан өткендігін растайтын сертификаттар тапсырылды.

Қазақстан Республикасы Мәдениет және спорт министрлігі

Білім, ғылыми жұмыс және халықаралық қатынастар департаменті

БАСПАСӨЗ БАЯНЫ
Мектеп оқушылары және көркемсурет колледждері мен жоғарғы оқу орындары студенттері арасындағы халықаралық байқау

«Қазақстан – алма мен қызғалдақтың отаны», Елбасының мақаласына байланысты «Art Bazar — Қызғалдақтар гүлдегенде» атты Үлкен Орта-Азия қолөнер шеберлерінің Халықаралық көрме-байқауы

Байқаудың өтетін уақыты:1-3 наурыз 2019 жыл
Байқаудың өтетін орны: Алматы, ҚР Мемлекеттік Орталық мұражайы, Самал-1 ықшамауданы,44 үй
Көрме 2019 жылғы 1 наурыз сағат 11.00-де ашылады.

«Art Bazar — Қызғалдақтар гүлдегенде» атты Үлкен Орта-Азия қолөнер шеберлерінің Халықаралық көрме-байқауы. Елбасының «Ұлы даланың жеті қыры» мақаласы аясында қөркемсурет колледждер мен университеттер арасында өткізіледі. Байқау көркем шығармашылықты қолдау, сәндік өнер саласындағы кәсіби дағдыларды жетілдіру, интеллектуалды деңгейін дамыту, ұлттық және әлемдік тарихқа, мәдениетке қызығушылықты жоғарылату және халықтар арасындағы интеллектуалды ынтымақтастықты дамыту мақсатында өткізіліп, еліміздің халықаралық деңгейге көтерілуіне ықпал етеді.

«Art Bazar — Қызғалдақтар гүлдегенде» байқаудың шеңберінде мәдениет және өнер саласындағы білім берудің өзекті мәселелері бойынша Қазақстан Республикасының белгілі суретшілерімен дөңгелек үстелдер өткізу жоспарланып отыр.

Байқау жұмыстарының тақырыптары: Атқа міну мәдениеті; Ежелгі металлургия; Аң стилі; Алтын адам; Түркі әлемінің бесігі; Ұлы Жібек жолы; Қазақстан — алма мен қызғалдақтың отаны.

Байланыс телефондары: 8(727)379-82-26.

WhatsApp: +7 702 321 54 66. +7 775 699 94 08.

e-mail: bakhyt_09@mail.ru; gauhardauletova@mail.ru

МИНИСТЕРСТВО КУЛЬТУРЫ И СПОРТА РЕСПУБЛИКИ КАЗАХСТАН

Департамент образовательной, научной деятельности и международного сотрудничества

Пресс релиз
Международный конкурс среди учеников школ,
студентов художественных колледжей и ВУЗов.
«Art Bazar – Время тюльпанов».
Конкурс приурочен к седьмому разделу статьи Первого Президента Республики Казахстан — «Казахстан – родина яблок и тюльпанов».

Время проведения конкурса: 1-3 марта 2019.
Время и место проведения выставки:
Алматы, Центральный государственный музей РК»
мкр. Самал-1, д 44.
Открытие конкурса состоится 1 марта 2019 года в 11.00.

Международный конкурс «Art Bazar – Время тюльпанов», приурочен к статье Первого Президента Республики Казахстан «Семь граней Великой степи».
Конкурс проводится в целях поддержки художественного творчества учашихся , совершенствования профессиональных навыков участников в декоративно-прикладном искусстве, развития интеллектуального уровня, повышения интереса к отечественной и мировой истории и культуре, развитию интеллектуального сотрудничества между народами и способствует культурному подъему нашей страны в международном масштабе.

В рамках конкурса «Art Bazar – Время тюльпанов», приуроченному к седьмому разделу статьи Первого Президента Республики Казахстан — «Казахстан – родина яблок и тюльпанов» планируется проведение круглых столов на темы актуальных проблем образования в сфере культуры и искусства с известными деятелями искусств РК.
Темы конкурсных работ:
Всадническая культура; Древняя металлургия; Звериный стиль; Золотой человек; Колыбель тюркского мира; Великий шелковый путь; Казахстан – родина яблок и тюльпанов.

Координаты для справок:
Телефон: 8(727)379-82-26.
WhatsApp: +7 702 321 54 66. +7 775 699 94 08.
e-mail: bakhyt_09@mail.ru; gauhardauletova@mail.ru

Қадірлі оқырман!

Қазақстан Республикасындағы ертеден келе жатқан оқу орны қара шаңырақ – Орал Таңсықбаев атындағы Алматы сәндік-қолданбалы өнер колледжі туралы мәлімет білгіңіз келгеніне қуаныштымын. Колледж ұжымының алға қойған мақсаты Қазақстан Республикасында техникалық және кәсіптік білім беруді дамытудың 2011 -2020 жылдарға арналған Мемлекеттік бағдарламасын қолдай отырып, ұлттық өнерді дамытатын бағдарламалар жасап, жас таланттардың шығармашылық қабілеттерін жоғары көтеріп, биік жетістіктер шыңынан көріну. Жетпіс сегіз жылдық тарихы бар колледж творчестволық салт-дәстүрге бай, өмір жолы қиын да қызық. Сондықтан, ХХІ ғасырда Тәуелсіз Қазақстанның жастары әлемге танымал болатынына сенемін. Өнер әлеміне қош келдіңіздер! Колледж директоры «Қазақстанның Еңбек сіңірген қайраткері» профессор С.И.Шалабаев